దైవదర్శనానికి వెళ్తూ... ఘోర రోడ్డు ప్రమాదం
* శ్రీశైలం వెళ్లే దారిలో తెలకపల్లి మండలంలో ప్రమాదం
* ఆటో, ఆర్టీసీ బస్సు ఢీకొని ఇద్దరు అక్కడికక్కడే మృతి
* యాలాల మండలం జంటుపల్లి గ్రామంలో విషాద ఛాయలు
తాండూర్ : దైవదర్శనానికి వెళ్తూ ఘోర రోడ్డు ప్రమాదం చేటు చేసుకుంది.శ్రీశైలం వెళ్లే దారిలో తెలకపల్లి మండలంలో ప్రమాదం ఆటో, ఆర్టీసీ బస్సు ఢీకొన్న సంఘటనలో ముగ్గురు అక్కడికక్కడే మృతి చెందారు.వివరాల ప్రకారం వికారాబాద్ జిల్లా యాలాల మండలం జుంటుపల్లి గ్రామానికి చెందిన ఉప్పరి భీమయ్య కుటుంబ సమేతంగా శ్రీశైలం దైవదర్శనానికి ఆటోలో ఉదయం బయలుదేరారు. శ్రీశైలం వెళ్లే దారిలో నాగర్ కర్నూలు జిల్లా తెలకపల్లి మండలంలో ఆర్టీసీ బస్సు,ఆటో ఢీ కొని ఘోర రోడ్డు ప్రమాదం జరిగింది.ఈ ఘటనలో ఆటో డ్రైవర్ రామకృష్ణ,మణెమ్మ,అక్కడిక్కడే మరణించారు. ప్రమాదంలో ముగ్గురు మృతి చెందిగ ఐదురుగు తీవ్రంగా గాయపడ్డారు.గాయపడిన వ్యక్తులను 108 అంబులెన్స్ సహాయంతో తెలకపల్లి ప్రభుత్వ ఆసుపత్రికి తరలించారు.చికిత్స పొందుతూ కవిత మరణించారు.తీవ్రంగా గాయపడిన వారిలో సైతం మరో ఇద్దరి పరిస్థితి ఆందోళనకరంగా ఉన్నట్లు డాక్టర్లు తెలిపారు.
