కేసీఆర్ దేశ్ కి నేత
* సి.ఎం.కేసీఆర్ ది ఉక్కుసంకల్పం
* జాతీయ రాజకీయాల్లోకి వెళ్లడం దేశాన్ని అభివృద్ధి డిసిఎంఎస్ వైస్ చైర్మన్ కొత్వాల
* సి.ఎం. కేసీఆర్ ఫ్లెక్సీ కి పాలాభిషేకం
పాల్వంచ : జాతీయ రాజకీయాల్లో అడుగుపెట్టి దేశ రాజకీయాలలో మార్పు చేద్దామనే సి.ఎం. కేసీఆర్ ది ఉక్కు సంకల్పమని డిసిఎంఎస్ వైస్ చైర్మన్ కొత్వాల శ్రీనివాసరావు అన్నారు.కేసీఆర్ దేశ రాజకీయాల్లోకి వెళ్లడాన్ని హర్షిస్తూ ఆదివారం పాల్వంచ మండలం పరిధిలోని పాండురంగాపురం లో గౌ: కొత్తగూడెం నియోజకవర్గం శాసనసభ్యులు వనమా వెంకటేశ్వరరావు గారి నాయకత్వంలో బీఆర్ఎస్ పార్టీ మండల అధ్యక్షులు పూసల విశ్వనాథం ఆధ్వర్యంలో సి.ఎం.కేసీఆర్ ఫ్లెక్సీకి పాలాభిషేకం చేశారు.
ఈ కార్యక్రమంలో పాల్గొన్న కొత్వాల మాట్లాడుతూ తెలంగాణ రాష్ట్ర రాజకీయాల్లో తెరాస పార్టీ గా వుండి ఇప్పుడు జాతీయ రాజకీయాల్లో బీఆర్ఎస్ పార్టీగా అవతరించాడని ప్రజలు హర్షిస్తున్నారన్నారు.కెసిఆర్ నేతృత్వంలో ఆవిర్భవించిన బీఆర్ఎస్ పార్టీ జాతీయ పార్టీగా ఎదిగి, దేశ స్థితిగతులను మార్చి వేయనున్నదన్నారు. కేసీఆర్ దేశ్ కి నేత అని జాతీయ స్థాయిలో చక్రం తిప్పగలరని కొత్వాల అన్నారు. బిఆర్ఎస్ పార్టీ శ్రేణులు రెట్టించిన ఉత్సాహంతో పార్టీ అభివృద్ధికి కృషి చేయాలని పిలుపునిచ్చారు.
ఈ కార్యక్రమంలో బీఆర్ఎస్ పట్టణ అధ్యక్షులు మంతపురి రాజు గౌడ్, మండల అధ్యక్షులు పూసల విశ్వనాథం, మండల వైస్ ఎంపీపీ మార్గం గురవయ్య,సొసైటీ డైరెక్టర్లు మైనేని వెంకటేశ్వరరావు, సామా జనార్దన్ రెడ్డి,ఎంపీటీసీ భూక్య శంకర్,సర్పంచులు భూక్య రమేష్,కొమరం రాణి,బీఆర్ఎస్ నాయకులు మార్గం అంకయ్య,సామా వెంకటరెడ్డి,గుండాల వెంకటనారాయణ,ఆడెపు దయాకర్ రావు,కొమరం నరసింహారావు,చిట్యాల సుబ్బారెడ్డి,నవభారత్ ఆనంద్ తదితరులు పాల్గొన్నారు.
