గోరం కట్టుకున్నవాడే(భర్త) కాటేశాడు
- భార్యకు హెచ్ఐవి రక్తం ఎక్కించిన భర్త
గుంటూరు : గుంటూరు ప్రాంతంలో దుర్మార్గమైన ఘటన ఆలస్యంగా వెలుగులోనికి వచ్చింది.కట్టుకున్నవాడు భార్యని కంటికి రెప్పలా కాపాడాల్సింది పోయి ఆమె పాలిట కాలయముడయ్యాడు.తనను వదిలించుకోవాలని చూస్తున్న భర్త దారుణానికి పాల్పడ్డాడని హెచ్ఐవి పాజిటివ్ బ్లడ్ ఎక్కించాడంటూ ఓ వివాహిత ఆరోపిస్తోంది.ఇలా దుర్మార్గంగా వ్యవహరిస్తూ ప్రాణాంతక వైరస్ ను ఎక్కించిన భర్తపై ఇప్పటికే పోలీసులకు ఫిర్యాదు చేసానని అయినా వారు పట్టించుకోవడం లేదంటూ బాధిత మహిళ ఆందోళన వ్యక్తం చేసింది.పోలీసులు పక్షపాతంగా వ్యవహరిస్తూ భర్తపై కేసు నమోదు చేయడంలేదని ఆరోపించారు.వెంటనే తన భర్తపై ఎఫ్ఐఆర్ నమోదు చేసి కఠిన చర్యలు తీసుకోవాలని డిమాండ్ చేస్తూ బాధిత మహిళ మంగళగిరి పోలీస్ స్టేషన్ ముందు బైఠాయించి ఆందోళనకు దిగారు.
