నెంబర్ ప్లేట్ లేకపోతే సీజ్
వికారాబాద్ : నెంబర్ ప్లేట్ లేని వాహనాలపై తిరిగితే చర్యలు నెంబర్ ప్లేట్ లేని వాహనాలపై తిరిగితే చర్యలు తీసుకుంటామని వికారాబాద్ జిల్లా ఎస్పీ కోటిరెడ్డి ఐపిఎస్ ఆదేశించిన నేపథ్యంలో వికారాబాద్ జిల్లా వ్యాప్తంగా పోలీసులు వాహనాల తనిఖీ నిర్వహిస్తున్నారు.నెంబర్ ప్లేట్ లేని వాహనాలను గుర్తించి వాహనాలను సీజ్ చేస్తున్నారు.నెంబర్ ప్లేట్ లేని వాహనాలపై వచ్చి కొందరు వివిధ నేరాలకు పాల్పడుతున్నారని వారిని గుర్తించడం కష్టతరంగా మారుతుందని, ప్రతి ఒక్కరు తమ వాహనాలకు నెంబర్ ప్లేట్లు ఉండేలా చూసుకోవాలని వాహనదారులకు పోలీసులు సూచిస్తున్నారు.ఎస్పీ గారి ఆదేశాలతో వికారాబాద్ రాజీవ్ నగర్ కాలనీలో సీఐ శ్రీనివాస్ నేతృత్వంలో పోలీసులు వాహన తనిఖీ నిర్వహించారు నెంబర్ ప్లేట్లు లేకుండా రోడ్లపై తిరుగుతున్న పలు వాహనాలను సీజ్ చేశారు.వాహనాలకు నెంబర్ ప్లేట్ లేకుండా రోడ్లపైకి వస్తే చర్యలు తీసుకుంటామని పోలీసులు హెచ్చరించారు.
