ప్రవేశ పరీక్షల రోజులు మొదలు
* నెల రోజుల్లో 8 సెట్‌లు మే 10 నుంచి జూన్‌ 10 వరకు
* పరీక్షలు ముగియగానే ఫలితాలు జూన్‌, జూలైలో సీట్ల భర్తీ ప్రక్రియ
హైదరాబాద్‌ Hyderabad News : ఈ మాసమంతా పరీక్షల షెడ్యూళ్లతో నిండిపోయింది.రాష్ట్రంలో ఈ నెల 10 నుంచి ఎంసెట్‌తో మొదలుకానున్న పరీక్షలు జూన్‌ 10 వరకు కొనసాగనున్నాయి. పాలిసెట్‌, ఎడ్‌సెట్‌, ఈసెట్‌,పీజీఈసెట్‌, లాసెట్‌, ఐసెట్‌, పీఈసెట్‌ పరీక్షలు ఈ నెలలోనే నిర్వహించనున్నారు.దీంతో ఈ నెలను ప్రవేశాల పరీక్షల మాసంగా అధికారులు వ్యవహరిస్తున్నారు. పరీక్షలు ముగిసిన తర్వాత ఫలితాలు ప్రకటించి జూన్‌, జూలై మాసాల్లో సీట్ల భర్తీ ప్రక్రియను చేపడతామని తెలిపారు.ఈ నేపథ్యంలో పరీక్షల కౌన్సెలింగ్‌ షెడ్యూళ్లను రూపొందించడంపై ఉన్నత విద్యామండలి అధికారులు దృష్టిసారించనున్నారు.ఇప్పుడు ముందుగానే షెడ్యూళ్లను ప్రకటించడంతో ఈ ఏడాది తరగతులు సకాలంలో ప్రారంభమవుతాయి. అంతేకాకుండా కోర్సులు పూర్తిచేసిన వారికి అనువైన సమయంలోనే సర్టిఫికెట్లు చేతికందనున్నాయి అని తెలిపారు.
