బషీరాబాద్ లో వ్యక్తి అదృశ్యం
బషీరాబాద్ Basheerabad News : బషీరాబాద్ మండల పరిధిలోని వ్యక్తి కనబడడం లేదని పోలీస్ స్టేషన్ లో ఫిర్యాదు మేరకు ఎస్ఐ తెలిపిన వివరాల ప్రకారం తేదీ 06.05.2023 రోజు ఉదయం 10:00 గంటల సమయంలో అల్లాపూర్ గ్రామానికి చెందిన కాశ వెంకటయ్య తండ్రి దేవదాస్ వయస్సు 35 సంవత్సరాలు,అను వ్యక్తి తన ఇంటి నుండి బషీరాబాద్ వెళ్లి వస్తానని తన తండ్రి అయిన దేవదాసుకు తెలిపి ఇంటి నుంచి వెళ్ళాడు.మరల తిరిగి ఇంటికి రాలేదు అట్టి విషయంలో వెంకటయ్య తండ్రి అయిన కాశ దేవదాస్ తన కుమారుడి గురించి ఎంత వెతికిన తన కుమారుడికి సంబంధించిన సమాచారం లభించలేదు. తన కుమారుడు ఇంటి నుండి వెళ్లేటప్పుడు ఎరుపుగీతాలు కలిగిన అంగి నీలిరంగు జీన్స్ ప్యాంట్ ధరించినాడు తన కుమారుడి ఎత్తు 160 సెంటీమీటర్లు అతను ఎరుపు రంగు కలిగి ఉంటాడు. అయితే తన కుమారుడు గత ఎనిమిది సంవత్సరాల నుండి మతిస్థిమితం సరిగా లేదు. అందువల్ల ఎక్కడికి వెళ్లాడు తెలియట్లేదని వెంకటయ్య తండ్రి అయిన కాశ దేవదాస్ తండ్రి లక్ష్మప్ప, గురువారం రోజున బషీరాబాద్ పోలీస్ స్టేషన్ కు వచ్చి ఫిర్యాదు ఇవ్వగా యస్.ఐ. విద్యా చరణ్ రెడ్డి గారు కేసు నమోదు చేసి దర్యాప్తు చేపట్టాడడం జరిగింది అని తెలిపారు.
