గుండెపోటుతో జడ్పీ ఛైర్మన్ కన్నుమూత
- ములుగు జడ్పి చైర్మన్ మృతిపట్ల సునీతారెడ్డి శ్రద్ధాంజలి
- తెలంగాణ ఏర్పాటులో సాహిత్యంది ముఖ్య భూమిక
- కవులు, కళాకారులతో ప్రజా చైతన్యం
-జడ్పి చైర్ పర్సన్ పట్నం సునీతారెడ్డి
- జిల్లా కలెక్టర్ నారాయణ రెడ్డి
వికారాబాద్ Vikarabad News భారత్ ప్రతినిధి : ములుగు జడ్పీ ఛైర్మన్ కుసుమ జగదీశ్ గుండెపోటుతో మృతిచెందారు. కాసేపటి క్రితం ఆయన గుండెపోటుకు గురవ్వగా, హుటాహుటిన ఆసుపత్రికి తరలించారు. కాసేపటి క్రితం ఆయన మృతిచెందినట్లు వైద్యులు తెలిపారు. జగదీష్ మృతిపట్ల సీఎం కేసీఆర్ దిగ్భ్రాంతి వ్యక్తం చేశారు. ఆయన కుటుంబ సభ్యులకు అండగా ఉంటామని భరోసా ఇచ్చారు.తెలంగాణ ఉద్యమంలో జగదీశ్ చురుకైన పాత్ర పోషించారని సీఎం కొనియాడారు.
దశాబ్ది ఉత్సవాల్లో భాగంగా ఆదివారం రోజున వికారాబాద్ లో జరిగిన సాహితీ దినోత్సవం కవి సమ్మేళనానికి సునీతారెడ్డి ముఖ్య అతిథిగా హాజరయ్యారు. ఈ సంధర్బంగా సునీతారెడ్డి మాట్లాడుతూ తెలంగాణా రాష్ట్ర ఏర్పాటులో సాహిత్యం ముఖ్య పాత్ర పోషించిందని జడ్పి చైర్ పర్సన్ పట్నం సునీతారెడ్డి అన్నారు. కవులు సాహిత్యంతో కళాకారులు ఆటపాటలతో తెలంగాణా ప్రజానీకాన్ని చైతన్యం చేశారని కొనియాడారు. తెలంగాణా ఏర్పాటు అనంతరం సీఎం కేసీఆర్ సాహితి, సంస్కృతిక వికాసం వచ్చిందన్నారు. ఈ సందర్భంగా కవులను, సాహిత్య వేత్తలను ఘనంగా సన్మానించారు.ఈ కార్యక్రమంలో కలెక్టర్ నారాయణ రెడ్డి, జిల్లా ప్రజాప్రతినిధులు, అధికారులు పాల్గొన్నారు.
