మూఢ నమ్మకాలను నమ్మవద్దు
బషీరాబాద్ Basheerabad News భారత్ ప్రతినిథి: వికారాబాద్ జిల్లా బషీరాబాద్ పరిదిలో మూఢనమ్మకాల ముసుగులో బాణమతి, చేతబడులను వంటివి నమ్మొద్దని తహసీల్దార్ ఎన్.వెంకటస్వామి, ఎస్ఐవేణుగోపాల్ గౌడ్ ప్రజలకు సూచించారు.మండలంలోని నంద్యానాయక్ తండాకు బాణా మతి అంటూ బుధవారం పత్రికల్లో వచ్చిన వార్తలతో తండాలను సందర్శించారు. స్థానికులతో సమావేశమై విచారించారు. తండావాసులకు నిమ్మకాయలు తినిపించిన విషయమై ఆరా తీశారు. బాణామతి, చేతబడి పేరుతో ప్రజలను భయపెడితే కఠిన చర్యలు తప్పవన్నారు.ఈ యొక్క కార్యక్రమంలో సర్పంచ్ రవి,గ్రామస్థులు తదితరులు పాల్గొన్నారు.
