నేడు ఎమ్మెల్యేగా కేసీఆర్‌ ప్రమాణ స్వీకారం
హైదరాబాద్‌ Hyderabad News భారత్ ప్రతినిధి : భారాస అధినేత, మాజీ ముఖ్యమంత్రి కేసీఆర్‌ గురువారం ఎమ్మెల్యేగా ప్రమాణ స్వీకారం చేయనున్నారు. ఇటీవల శాసనసభ ఎన్నికల్లో గజ్వేల్‌ స్థానం నుంచి శాసనసభ్యుడిగా గెలుపొందిన తర్వాత ప్రమాదవశాత్తు తుంటి ఎముకకు గాయం కావడం, ఆపరేషన్‌ నిర్వహించడం, తదితర కారణాలతో కేసీఆర్‌ ఎమ్మెల్యేగా ప్రమాణ స్వీకారం చేయలేదు. గురువారం మధ్యాహ్నం 12 గంటలకు అసెంబ్లీకి కేసీఆర్‌ చేరుకుంటారని, 12.45 గంటలకు శాసన సభాపతి కార్యాలయంలో ప్రమాణ స్వీకారం చేస్తారని భారాస పార్టీ వర్గాలు తెలిపాయి. అనంతరం భారాస శాసనసభ పక్ష కార్యాలయంలో ప్రత్యేక పూజలు నిర్వహించి, ప్రతిపక్ష నేతగా బాధ్యతలు స్వీకరిస్తారు. ఈ సందర్భంగా పార్టీ ఎమ్మెల్యేలు, ఎమ్మెల్సీలు హాజరయ్యే అవకాశం ఉన్నట్లు తెలుస్తోంది.
