జొన్న రొట్టే వల్ల ఎన్ని లాభాలో తెలుసా ?తప్పక చదవండి !!
* పోషక విలువలు అధికమంటున్న పరిశోధకులు
* మధుమేహులకు మంచిదంటున్న డైటీషియన్లు!
* పోషక విలువలు అధికమంటున్న పరిశోధకులు!
* జొన్న.. తింటే ఆరోగ్యం మిన్న!
ఆరోగ్యం Health : జొన్న రొట్టె ఒకప్పుడు పేదలు తినే ఆహారం వరి అన్నం ఫేమస్‌ అయ్యాక వారూ జొన్నల వినియోగం తగ్గించారు.తెలంగాణ పల్లెల్లో ఇప్పటికీ చాలా ఇళ్లల్లో ఆహారంగా తీసుకునేది జొన్న రొట్టెనే.B కాంప్లెక్స్‌ విటమిన్స్‌కు తోడు ఫైబర్‌, విటమిన్‌ A, విటమిన్‌ C, క్రూడ్‌ ఫ్యాట్‌, అమినో యాసిడ్స్‌ ఇలా అత్యవసర పోషకాలు అధికంగా ఉండే ఆహారం జొన్న.ఆరోగ్యం మెరుగుపడాలంటే ఇది తప్పనిసరి.మధుమేహులకు ఇది చక్కటి భోజనం అని కూడా చెబుతున్నారు.
నగరంలో జొన్న రొట్టెలకు ప్రాచుర్యం ఇటీవల బాగా పెరిగింది. అంతకు ముందు హోటల్స్‌లో జొన్న రొట్టె కనిపించడం తక్కువే కానీ, పెరిగిన ఆరోగ్యాభిలాషులతో స్టార్‌ హోటల్స్‌ కూడా జొన్న రొట్టెను తమ మెనూలో జోడించాయిప్పుడు.వీధులలో రూ.10 లకే లభిస్తున్న జొన్నరొట్టె పలు హోటల్‌లలో వాటి స్థాయిని బట్టి రూ.30 నుంచి రూ.150 వరకూ చార్జి చేస్తున్నారు.
ఏ రోటీ మంచిది..?
చపాతీ,రోటీ ఏదైనా తక్కువ కాలంలోనే తినేయాలి.లేదంటే అవి పాడైపోయే అవకాశాలున్నాయి.జొన్నరొట్టెకు ఆ ఇబ్బంది లేదు.కాస్త ఆలస్యమైనా దీనిని ఇబ్బంది లేకుండా తినేయొచ్చు.జొన్నరొట్టెలో ఉన్న రెండు రకాలలో ఒకటి కడక్‌ రోటీ. ఇది గట్టిగా ఉంటుంది.
మరోటి సాఫ్ట్‌రోటీ! మెత్తగా ఉంటుంది. వేడిగా ఉన్నప్పుడే దీనిని తినేయాలి.కానీ కడక్‌ రోటీ అలా కాదు.కొన్ని వారాలైనా పాడయ్యే అవకాశాలు తక్కువగా ఉంటాయి. దీనిని సంప్రదాయ పద్ధతులలో నిల్వ చేస్తే వీటి జీవితకాలం మరింత పెరుగుతుంది. మన నగరంలో జొన్న రొట్టెను వెజిటేబుల్‌ కర్రీ లేదంటే చికెన్‌ కర్రీ లాంటి వాటితో కలిపి తీసుకుంటుంటారు. కొంతమంది పచ్చడితో కలిపి కూడా తింటుంటారు.
జొన్న అనగానే ముందుగా గుర్తొచ్చేది జొన్నరొట్టెనే!
కానీ, పశువుల మేతకు కూడా జొన్నలు వాడుతుంటారు. అయితే, ఇక్రిశాట్‌ శాస్త్రవేత్తలు ఓ అడుగు ముందుకేసి ఈ జొన్నతో సిరప్‌, ఇథనాల్‌, బయో ఫ్యూయల్‌ కూడా తీయొచ్చంటూ నూతన వంగడాలనూ సృష్టించారు.ఇంకో విశేషమేమిటంటే, దీని నుంచి ప్లాస్టిక్‌ కూడా తయారు చేయొచ్చని చెబుతున్నారు.
పోషకాలు సమృద్ధిగా కలిగిన ఆహారం జోవార్‌. గ్లూటెన్‌ లేకపోవడం, పలు ఆరోగ్య ప్రయోజనాల కారణంగా న్యూ క్వినోవాగా దీన్ని పిలుస్తున్నారు. దీనిలో కాంప్లెక్స్‌ కార్బోహైడ్రేట్స్‌ ఉండటం వల్ల మధుమేహులకు చక్కటి అవకాశంగా నిలిచింది. ఇది నెమ్మదిగా గ్లూకోజ్‌ను విడుదల చేస్తుంది. శాకాహారులకు ఇది అత్యుత్తమం.100 గ్రాముల జొవార్‌లో 10.4 గ్రాముల ప్రోటీన్‌ ఉంది. మన శరీరానికి ప్రతిరోజూ అవసరమైన ఫైబర్‌లో 40శాతం ఇది అందిస్తుంది.
చెడు కొలెస్ట్రాల్‌ (LDL) తగ్గించడంలో సహాయపడటంతో పాటుగా గుండె ఆరోగ్యాన్ని మెరుగుపరుస్తుంది.గ్లూటెన్‌ పదార్థాల ఎలర్జీ ఉన్న వారితో పాటుగా ఉదరకుహర వ్యాధి (సెలియాక్‌ డిసీజస్‌) ఉన్నవారికి ఇది మేలు చేస్తుంది.జొన్నలలో ఐరన్‌, కాల్షియం, విటమిన్‌ బి, మినరల్స్‌, యాంటీ ఆక్సిడెంట్స్‌ వంటివి ఉన్నాయి.
దీనివల్ల చర్మం, జుట్టు, గుండె, ఎముకల ఆరోగ్యానికి కూడా ఇవి దోహదపడతాయి. జీర్ణక్రియనూ మెరగుపరుస్తుంది.జొన్నలను రోటీ రూపంలో మాత్రమే కాదు ఇడ్లీ, దోశ రూపంలో తినొచ్చు. ఊబకాయులు బరువు తగ్గేందుకు కూడా ఇది చక్కటి ఎంపిక మారేందుకు ఆలస్యం జొన్న రొట్టె తినేయండి.
మరిన్ని వార్తలకు....
* జొన్న రొట్టే వల్ల ఎన్ని లాభాలో తెలుసా ?తప్పక చదవండి !! ఇక్కడ క్లిక్ చేయండి
* గ్రూప్ 1 పరీక్షల నిర్వహణలో స్వల్ప మార్పు ? ఇక్కడ క్లిక్ చేయండి
* నేడు ప్రధాని నరేంద్ర మోడీతో సీఎం చంద్రబాబు నాయుడు భేటీ ఇక్కడ క్లిక్ చేయండి
* అన్యాయాన్ని ఆపడానికి ప్రయత్నం చేసిన మహిళా జర్నలిస్టుకు హాండ్స్ అప్ ఇక్కడ క్లిక్ చేయండి
* డాక్టర్ ని ఆత్మ హత్యనా ? హత్యనా ? ఇక్కడ క్లిక్ చేయండి
* చిత్రహింసలు పెడ్తున్నాడని ఎస్ఐ పై ఫిర్యాదు చేసిన సంఘ నాయకులు ఇక్కడ క్లిక్ చేయండి
