రూ.1000కోట్లు దాటిన పుష్ప 2 ప్రీ-రిలీజ్ బిజినెస్ ఆర్ఆర్ఆర్ కూడా వెనక్కి
తెలంగాణ Telangana News భారత్ ప్రతినిధి : ఐకాన్ స్టార్ అల్లు అర్జున్(Allu Arjun) హీరోగా వస్తున్న పుష్ప 2(Pushpa 2) క్రేజ్ రోజురోజుకి నెక్స్ట్ లెవల్ కి చేరుకుంటోంది. ఇండియన్ టాప్ స్టార్స్ సైతం టచ్ చేయాలనీ రికార్డ్స్ క్రియేట్ చేస్తోంది. అది కూడా రిలీజ్ కు ముందే. ఆ లిస్టులో మన స్టార్స్ దరిదాపుల్లో కూడా లేకపోవడం గమనార్హం. ఆ రేంజ్ లో బజ్ క్రియేట్ చేస్తోంది పుష్ప 2. ఇంతకీ అసలు విషయం ఏంటంటే.
పుష్ప 2 ప్రీ-రిలీజ్ బిజినెస్...
భారీ అంచనాలున్న యాక్షన్ డ్రామా పుష్ప 2 - ది రూల్ విడుదలకు ముందే రూ.1000 కోట్ల క్లబ్‌లోకి చేరినట్లు ట్రేడ్ వర్గాల నుంచి టాక్. సుకుమార్ దర్శకత్వం వహించిన ఈ మూవీకి ట్రేడ్‌లో భారీ డిమాండ్ ఏర్పడింది. లేటెస్ట్ ట్రేడ్ రిపోర్ట్స్ ప్రకారం ఈ సినిమా థియేట్రికల్ రైట్స్ దాదాపు రూ.600 కోట్లు పలికినట్లు సమాచారం. తెలుగు రాష్ట్రాల్లో మరియు ఉత్తర భారతదేశంలో థియేట్రికల్ హక్కులు 375-400 కోట్లకు అమ్ముడయ్యాయట. మిగతా ఇండియా స్టేట్స్ లో ప్రీ రిలీజ్ బిజినెస్ దాదాపు రూ.100 కోట్లకు చేరుకోగా ఓవర్సీస్ రైట్స్ బిజినెస్ దాదాపు రూ.125 కోట్లు మేరకు ఉందని ట్రేడ్ నిపుణుల లెక్కలు చెబుతున్నాయి. ఇక మొత్తం ప్రపంచవ్యాప్తంగా పుష్ప 2 ప్రీ రిలీజ్ థియేట్రికల్ బిజినెస్ 600+ కోట్లు అని చెబుతున్నారు.
అలాగే రూ.65 కోట్లకు మ్యూజిక్ రైట్స్ ను మరియు రూ. 85 కోట్లకు టెలివిజన్ హక్కులను, ఇక రూ.275 కోట్లకు నెట్‌ఫ్లిక్స్‌ స్ట్రీమింగ్ హక్కులను పొందినట్లు తెలుస్తోంది. ఇక మొత్తానికి మొత్తంగా పుష్ప 2 - ది రూల్ యొక్క ప్రీ-రిలీజ్ థియేట్రికల్ మరియు నాన్-థియేట్రికల్ బిజినెస్ 1025+ కోట్లు అని ట్రేడ్ వర్గాలు చెబుతున్నాయి. అంటే పుష్ప 2 ఇండియన్ సినీ హిస్టరీలో ఆల్ టైమ్ బిజినెస్ అని చెప్పుకోవాలి.
ఓవర్ ఆల్ బిజినెస్ లో సౌత్ నుండి రూ.900 కోట్లతో ఆర్ఆర్ఆర్ టాప్ లో ఉంది. ఇప్పుడు ఆ సినిమా రికార్డ్ బ్రేక్ చేసి రూ.1000 కోట్ల బిజినెస్ చేసిన మూవీగా పుష్ప 2 నిలిచిందని ట్రేడ్ నిపుణులు మాట్లాడుకుంటున్నారు. ప్రస్తుతం ఈ న్యూస్ ట్రేడ్ వర్గాల్లో హాట్ టాపిక్ గా మారింది. రాజమౌళి లాంటి దర్శకుడు లేకుండా ఈ రేంజ్ బిజినెస్ సాధించడం అంటే మామూలు విషయం కాదు.. జస్ట్ అల్లు అర్జున్ థింగ్స్ అంటూ కామెంట్స్ చేస్తున్నారు ఆయన ఫ్యాన్స్.
