బషీరాబాద్ మండలంలో దొంగల ముఠా....జరా జాగ్రత్త
బషీరాబాద్ Basheerabad News భారత్ న్యూస్ ప్రతినిథి : బషీరాబాద్ మండలంలో పర్ష్య నాయక్ తండాలోని మూడు ఇళ్లలో దొంగతనం జరిగిన సంఘటన బషీరాబాద్ పరిధిలో చోటు చేసుకుంది. పోలీసులు,బాధితుల తెలిపిన ప్రకారం మండలంలోని పర్ష్యానాయక్ తండాలో మంగళవారం రోజున అర్ధరాత్రి అందరూ నిద్రిస్తున్నసమయంలో దొంగలు బయటి నుంచి అన్ని ఇళ్లకు గొళ్లెం పెట్టారు. తండాకు చెందిన పాండు, అనుషాబాయి కూతురును చూసేందుకు మంగళవారం ఉదయం వికారాబాద్ కు వెళ్లారు. వీరి ఇంట్లోకి ప్రవేశించి 5 తులాల బంగారు, 8 తులాల వెండి ఆభరణాలు ఎత్తుకెళ్లారు.తండాకు చెందిన గోపాల్, షేనిబాయి దంపతులు అప్పుగా తెచ్చి బీరువాలో రూ.40వేల పెట్టారు.
బీరువా పగలగొట్టి దాని తాళాన్ని యంత్రంతో కత్తిరించి సామగ్రిని చిందరవందరగా పడేసి రూ.40వేల నగదుతోపాటు కొడుకు పెళ్లికి వచ్చిన ఇత్తడి, స్టీలు వంట సామగ్రిని దొంగిలించారు.అనంతరం రాందాస్,పప్పీ బాయి కుమారుడు రాహుల్ ఇటీవల కొన్న రూ.15 వేల విలువైన ఫోన్ను చోరీ చేశారు. తాండూరు డీఎస్పీ బాలక్రిష్ణారెడ్డి, గ్రామీణ సీఐ శ్రీనివాస్ రెడ్డి, ఎస్ఐ గఫార్ సంఘటన స్థలాన్ని సందర్శించి కేసు దర్యాప్తులో చేయడం జరిగిందని తెలిపారు.
